PUNTO DE INFORMACION CATASTRA (P.I.C.)
O Concello de A Merca (Ourense), obtivo a autorización para a instalación dun Punto de Información Catastral asumindo o papel de intermediario no exercicio do dereito de acceso á información catastral do cidadán, ao que poderá desde agora fornecer toda a información que sobre o mesmo exista na base de datos nacional do Catastro.
SERVIZOS A PRESTAR POLO PIC
Os servizos aos que se puiden acceder desde o Punto de Información Catastral son os seguintes:
1. Servizo de consulta libre e certificación electrónica de datos catastrais non protexidos e cartografía dixital.
2. Servizo de consulta e certificación electrónica para os titulares catastrais de datos protexidos, relativo aos bens inmobles da súa titularidade.
3. Servizo de certificación negativa de bens inmobles ou da circunstancia de non figurar como titular catastral, relativa ao propio solicitante.
4. Calquera outros servizos de consulta e certificación que se implanten no futuro, nos termos da Resolución que se dite ao efecto.
DATOS CATASTRAIS PROTEXIDOS E NON PROTEXIDOS
O artigo 51 do Texto Refundido da Lei do Catastro Inmobiliario considera como datos protexidos:
1. Datos relativos aos titulares catastrais: o nome, apelidos, razón social, código de identificación e domicilio.
2. Datos relativos aos bens inmobles: o valor catastral e os valores catastrais do chan e, no seu caso, da construción.
As entidades xestoras do PIC deben salvagardar a privacidade dos datos catastrais protexidos de conformidade coa Lei Orgánica da Protección de Datos de Carácter Persoal (Lei Orgánica 15/1999, de 13 de Decembro).
Os titulares catastrais que dispoñan de certificado dixital poderán consultar os certificados catastrais dos bens inmobles dos que sexan titulares.
DOCUMENTACION NECESARIA PARA SOLICITAR CERTIFICADO A TRAVÉS DO PIC
DATOS NON PROTEXIDOS
Calquera persoa pode acceder aos datos catastrais non protexidos. Pódeselle informar que pode obtelos gratuitamente a través da páxina Web do catastro http://www.sedecatastro.gob.es/
DATOS PROTEXIDOS
PERSOAS FISICAS
SE O SOLICITANTE é O TITULAR CATASTRAL.
- Debe acreditar a súa identidade mostrando o seu DNI.
- Debe asinar o formulario que se xera ao consultar datos protexidos.
SE O SOLICITANTE ACTUA COMO REPRESENTANTE DO TITULAR CATASTRAL
- Debe achegar a autorización do titular catastral.
- Debe entregar fotocopia do DNI do titular catastral.
- Debe acreditar a súa identidade mostrando o seu DNI.
PERSOAS XURIDICAS
- Debe achegar fotocopia do DNI.
- Debe achegar copia dos folios da escritura nos que aparece o nomeamento como administrador ou representante da empresa.
- Debe acreditar a súa identidade mostrando o seu DNI.
CASOS ESPECIAIS
COMUNIDADE DE BENS
No caso das comunidades de propietarios, o presidente da comunidade é quen ostenta a representación da mesma. O cargo deberá acreditarse mediante copia da acta da Xunta de Propietarios no que foi nomeado. O Administrador da comunidade de propietarios poderá solicitar o certificado sempre que teña a autorización do presidente da comunidade.
HERDANZAS
Os herdeiros aínda non son titulares catastrais, polo que non poden solicitar certificados dos bens inmobles do causante a través dos PIC. Teñen interese lexítimo e directo segundo o artigo 53 do Texto Refundido da Lei do Catastro, pero é a Xerencia o órgano competente para recoñecer este interese e consecuentemente o certificado será expedido exclusivamente pola Xerencia.
Deberán pois, acudir á Xerencia
| MODELOS DE TRAMITES |
| Modelo de solicitude |
| Modelo de solicitude con representante |
| Modelo de autorización |